सोम मिश्रको जीवन एक आशा को प्रतिबिम्ब हो, जसमा उनको उत्साह, धैर्य, र सरलता छ। उनको बाल्यकाल अर्थिक कठिनाइ गरिबी र पितृत्वको अभावमा निम्न मध्यम वर्गीय परिवारमा बितेको थियो। उनकी माता, मुक्ता देवी मिश्रको कठोर परिश्रम स्थानीय समाजसेवी हरूको सहयोग तथा विद्यालयका शिक्षकहरूको विशेष सहयोग बाट उनको शिक्षा अघि बढेको देखिन्छ ।
समाजमा देखिएको आर्थिक तथा अन्य अवसरहरूको गहिरो विभेद वा विषमता लाई देखेर उनी कम्युनिस्ट आन्दोलनप्रति समाजिक न्याय तथा समतामूलक समाज निर्माण को उद्देश्यलेआकर्षित भएको देखिन्छ । यही उद्देश्य प्राप्तिको हिसाबले कम्युनिस्ट पार्टीमा संगठित भएर लाग्दा तत्कालीन शासकले व्यवस्था विरोधी आरोप लगाई झुटा मुद्दामा अनाहकमा एक वर्षसम्म जेल जीवन बिताएका थिए। सुरुमा उनी स्वत स्फुर्त रुपमा समाजमा देखिएका विकृति रूढीवादी परम्परा र आर्थिक समानतालाई अन्त्य गर्न अभियानमा लागेका थिए। र पछि मात्र तत्कालीन नेकपा मालेको सम्पर्कमा आए र संगठित रुपमा गतिविधिहरुमा संलग्न भए

राजनीतिक गतिविधिहरू सँगसँगै सोमको प्रभाव शिक्षामा पनि पर्याप्त थियो, जसमा उनले विद्यालयहरू स्थापना गर्न तिनको व्यवस्थापन गर्न साथै शिक्षण पेशालाई पनि महत्वका साथ बढाए । यी सबै कामहरू गरिरहँदा उनले आफ्नो व्यक्तिगत पारिवारिक आर्थिक हितलाई ध्यान दिएनन् र सामाजिक शैक्षिक क्रियाकलापलाई नै आफ्नो अभिष्ट ठाने । 

उनको जीवनकथा धैर्य , सरल, ईमानदारी, र न्यायकोप्रति समर्पणको एक उज्वल उदाहरण हो। एउटा दुर्गम हिमाली जिल्लामाको निम्न मध्यम पारिवारिक पृष्ठभूमिमा जन्मिएर नेकपा एमाले जस्तो विशाल पार्टीको केन्द्रीय सदस्य हुनु र नगरपालिका प्रमुख लगायतका विभिन्न सार्वजनिक पदहरूमा निर्वाचित हुनुले उनको शालिनता वैचारिक दृढता र लोकप्रियतालाई पुष्टि गर्ने दृष्टान्तहरू हुन् । उनको जीवनशैलीलाई पूर्वाग्रह रहित हिसाबले नजिकबाट नियाल्नेहरू नै यसका साक्षी हरू हुन ।